كل من علق علي دعوتي طلب مني البداية وحقيقة حولي الكثير من الامثلة الناجحة هنا التي اتمني ان نستفيد من خبراتها واحب ابدا بجدو الحبيب انا ها اوجه له الدعوة ليفتتحها واقولك ياجدو طالت الغيبه ودي مش كويس عايزاك ترجع وعايزين خلاصة خبرتك علي المستوي الشخصي ممكن تنصحنا بايه نخلي بالنا منه في علاقاتنا كازواج وكاباء وامهات وكاخوة واخوات وكصداقات
علي مستوي العمل في مجال تخصصك ايه اللي ممكن تفيد بيه بلادنا وشبابنا عايزينك تفكر معانا بصوت عالي ايه ممكن العيوب اللي حضرتك ممكن تكون شايفها في مجال تخصصك والاخطاء الموجودة في هذا المجال في بلادنا وفي رايك ممكن تكون ايه خطوات التصحيح لهذه الاخطاء
ومن خلال غربتك الطويلة تحب تقول ايه لكل الشباب في الداخل المتطلع للهجرة ايه اللي ممكن تنصحه بيه وازاي يوصل للصورة الصحيحه عن الخارج والعمل بالخارج الاشياء التي يجب ان يكون علي دراية تامة بها قبل الرحيل وكيفية الاستعداد
12 comments:
عزيزتى همسات
اشكرك على اعطائى هذا الشرف بس فية نقطة مهمة انا راجل عادى جدا ويمكن اقل من العادى كمان معملتش حاجة اكتر من انى هاجرت بصورة قانونية من مصر واشتغلت فى امريكا ومقدرش اقول حجات محصلتش خاصة انى لم امر بمراحل الشقاء اللى مر بيها بعض الناس لانى كنت مسنود تماما من شقيق زوجتى اللى عايش فى امريكا من سنوات ومن مدخراتى من عملى كطبيب بمرتب عالى فى دولة عربية لعدة سنوات لدرجة انى فى الاسبوع الاول من وصولى كنت عامل رخصة سواقة وسايق عربية ودة حاجة مبتحصلص لكتير من الناس فى بداية هجرتهم
*****
اما النصايح اعتقد ان الناس مبتحبش النصيحة كل واحد بيحب يجرب بنفسة والدليل على كدة ان اول نصيحة منى وحتكون غير مقبولة من كل الناس حقول فى هذا الزمن اذا لم تهاجر من بلدك بصفة قانونية احسنلك الف مرة والف مش كفاية احسنلك مليون مرة انك تفضل حيث انت من انك تلاقى نفسك فى السجن فى امريكا ومنتظر الى ما شاءالله فى السجن علشان يرحلول لبلدك لان القوانين اتغيرت واصبحت الهجرة غير الشرعية ملهاش سكة غير البهدلة لكل مغامر
*****
اعتقد كفاية نصايح
*****
مرة تانية اسف انى خيبت ظنك وكل اللى اقدر اعملة انى اجاوب وبامانة على اى اسئلة فى حدود خبرتى ومعرفتى ـ تحياتى
جدو العزيز اشكرك علي استجابتك لدعوتي
اولا انا لا ابحث عن بشر غير عاديين انا اريد خبرة ناس ناجحين عاديين حتي يستفيد منها اناس عاديين ايضا
ثانيا النصيحة اللي لحضرتك قلتها غالية جدا وقد يستمع ويعمل بها الكثير من الشباب المتطلع للهجرة لامريكا وغيرها علي انها هي الجنة والحل الاوحد لازماتهم والكثير من الشباب يظن ان الطريق هنا مفروش بالورود وانه ممكن ينط يجي يشتغل اي شغلانه جرسون في اي مطعم او اي عمل اخر ويعيش سلطان وليس عنده اي فكرة او استعداد ان يعرف قوانين هذه البلدوما سيواجهه من مصاريف من سكن ومعيشه وتامين صحي وغيره
ومنهم من يستسهل ويرتبط بامريكية من السياح لمجرد تحقيق حلمه دون النظر لعواقب هذه الخطوة
خلاصة ما اريد ان اشرحه هو محاولة تنوير الطريق من خلال مختلف الخبرات والنصيحة عندما تاتي من انس لا نعرفهم احيانا يكون لها صدي اقوي من ان نسمعها من اناس نعرفهم وقد نتشكك في نواياهم حضرتك من خلال ما تري من عيوب او اخطاء في الجالية من حولك ان توضح للكثير منا امور قد لا نصل لها بتفكيرنا
اشكرك مرة تانية وسانتظر ان تكتب لنا المزيد عن النظام في امريكا لكل من يرغب في الهجرة
دي اول زيارة ليا لمدونتك انا مش مسافر ولا حاجة بس حبيت احييكي علي مدونتك
شكرا
عزيزتى همسات
بكل اسف انا اخر من يعلم شئ عن قوانين الهجرة الحالية الى الولايات المتحدة لانى من اكتر من عشرين سنة وانا لا اتابع هذا الموضوع وطبعا الانترنت عن طريق صفحة وزارة الخارجية الامريكية فيها كل شئ بالتفصيل ـ احذروا النصابين لانهم اكتر من الهم على القلب فى هذا الموضوع ـ كل المعلومات المفروض مجانية واى حد يطلب منك فلوس يبقى نصاب - تحياتى
تفتكرى لو قال نصايح صادقه وحقيقيه من هنا للسنه الجايه حتى هيسمع النصائح دى ولا هيتعلم منها
كل واحد اللى فى مخه فى مخه غير ان بيفتكر نفسه ابو العريف وهيعمل اللى محدش هيعمله حتى لو اتحط فى موقف كل الناس اتحتط فيه وطلعت بنتيجه واحده سيظل يعتقد انه من سيأتى بالنتيجه المختلفه
I offer to my friend Esmeralda
MOTHER OF THE WORLD
Egypt , gather your children
Even the most unwelcome
And show them the facts
All of them are dear then
But for the most fearsome
It will undo their evil acts
السلام عليكم
اول مره ازور مدونتك..و صدقا هي مدونه كتير جميله و كتير بسيطه و لاكن كتير جداااا راقيه مثل كاتبتها....اسال الله العظيم ان يحفظك من كل شر
السلام عليكم
سندباد شكرا لزيارتك مدونتي المتواضعه والدعوة ليست خاصة بالمسافرين الطفشانين فقط ولا بالمدونين بس بل عامة لكل صور النجاح في الداخل والخارج ربما تكون محاولة يائسة لتغيير واقع كئيب بيهد فينا اكتر ما بيبني فانا من انصار ما خاب من استشار
جدو الغالي اشكرك علي تواصلك معنا وسعدنا بالثوب الجديد لمدونتك ان شاء الله يكون دليل تحسن المعنويات ايضا
جدو ما قصدت ان تكتب لهم قوانين الهجرة انا فقط اريد ان نوضح لكل من سياتي الي هنا الصورة شوية عن طبيعة الحياة هنا انها مختلفة تماما عن اي دولة اخري فبغض النظر عن الهجرة الذي ياتي حتي للدراسة او مبعوث وما اكثرهم لا يعرفون شئ عن مثلا التامين الصحي ونظامه نظام البنوك والكردت كاردز اهمية ان يحصل علي رخصة قيادة دولية قبل مجيئه فليست كل الاماكن متوافر بها مواصلات عامة خاصة اذا كان يصطحب اسرته معه الي اخره من هذه الامور البسيطة ولكنها تتعب الكثيرين لشهور وتكلفهم الكثير من النقود لعدم المعرفة السابقة فقط وهذا للتوضيح
تحياتي
عزيزي محمد اعرف عز المعرفة ان النصيحة دائما ثقيلة والكثيرين قد لا ياخذون بها ولكن يمكن كل عشرة واحد منهم يحب يسمع ويستشير لماذا لا نفيده ان كان ذلك بالامكان
هنا بالمعرفة تقدر توفر الكثير من الجهد والمال وتتجنب الكثير من المتاعب فنظامهم هنا يختلف عن اي دولة اخري حتي الاوروبية وليست دولنا العربية فقط وعلي كل حال ليك تقدم النصيحة واللي ياخذ بها يستفيد ومن لا ياخذ بها حينئذ ذنبه علي جنبه
David you are welcome our friend we like any one likes Egypt and
support peace all over the world
have agood day
يا قلبي يا غريب مرحبا بك دائما زائرا لمدونتي المتواضعة واخ عزيز ولا تنسانا من دعائك فما احوجنا للدعاء لبعضنا البعض بالغيب
جزاك الله كل خير
Post a Comment